Kinderlachen
Kinderlachen
 
 
Kinderlachen
1
2
3

Jubla Gommiswald

Latest news - Johresrückblick 2022

S’ Jahr 2022 goht langsam aber sicher am Endi zue. Zyyt zum zruggluege und DANKE säge.

Is 22i inegrutscht simmer wortwörtlich vode Egg mitm Schlitte und händ es Gaudi gha mitm heisse Punsch im Buuch. Es isch gmüetlich gsi und mir hoffet, dass es bald gnueg Schnee git, dass mir Mitti Januar 23 nöd ufs Nachtschlittle müend verzichte.

Im März händ di Leitende mit de tatchräftige Unterstützig vo fliessige 15er und de ältiste Gruppene im Dorf Papiergsammlet zum d’ Scharkasse bitzeli ufstocke.
Und bald drufabe händ mir d’Neuling i üsere Schar fiirlich willkomme gheisse. Jetzt sind ihr scho kei Jubla-Luft-Schnupperis meh und ghöret fest dezue. Mir freuet üs uf alli Abentüür mit eu!

Im April isch es vor allem fürs Leitigsteam ernst worde. D’Lagerplanig hät en grosse Gump gnoh und einigi Kürs sind absolviert oder sogar gleitet worde. DANKE für eues Engagement!
Am Früehligsfest im Dorf simmer gern uf Bsuech gsi und händ die viele lachende Chindergsichter gnosse. So isch d’Jubla Gommi ebä: Action und Spass stoht im Vordergrund!

Afangs Mai hät ez scho zum vierte Mol ganz e bsundri Gruppi stattgfunde. Wer im Chindsgi isch und chuum cha warte bis i di 1. Klass, hät a dem Samstignomittag mitm Globii s’Jublalebe chöne erkunde.

De Summer chunt und s’Grillwetter au. So hät a dem sunnige spote Juni-Namittag und Abig so mengi Bratwurst sini besseri Hälfti gfunde. Es isch schön gsi mit so vielne neue und altbekannte Gsichter es paar gmüetlichi Stunde verbringe. Ufem Spielplatz im Lindepärkli isch üs au nöd langwilig worde.
S’Jakobusfest als letschte Alass vorem Summerlager büütet üs en ruhige und besinnliche Alass vor so viel Jubel-Trubel.

Und dänn häz au scho gheisse: Rucksack packe, ICH gang is Jublalager! Genau eso (oder so ähnlich) hät s das Johr bi 100 Chind und 25 Leitende gheisse. Mir alli händ die churzi Reis is Appezellerland uf üs gnoh und üs während de Castings und Challenges vode beste Siite zeigt. Schliesslich chönd nur drü vo üs die neue Gsichter vom würzige Appezellerchäs werde. Viel z schnell sind die abentürriiche Täg bi strahlendem Summerwetter verbigange! Zum Glück gömmer nöchst Johr wieder is Summerlager.

Nach de Summerferie isch afangs September i dä ganze Schwiiz d’Werbetrummle gschwunge worde und au mir händ z’Gommiswald Grund zum Fiire gha. Zwei Gäst, wo vo wiit her greist sind, händ üsi Hilf brucht und übercho, so dass sie mit de schönste Sombreros uf de grande Fiesta händ chöne tanze.
Churz druf abe isch denn d’Wiese nebtem OSZ zum Schauplatz worde. Chli und Gross händ sich bi spannende Schütt gmässe und zwüschetdure feini Spaghetti zur Stärchig gnosse. Es glungnigs Dorffest hät de Summer gebürdend verabschiedet.

Aber bevor mir de Summer 2022 endgültig is Archiv verschiebet, hämmer am Lagerrückblick endi Oktober no di beste Schnappschüss usem SoLa uflebe loh. D’Diashow isch das Jahr vom Silas, de Valerie und vielne andere fliessige Leitende selber uf d Bei gstellt worde. Hut ab, das sind grossi Fuessstapfe wo mir do betretet.

Und dänn isch es dusse nurno chälter und chälter worde. Do chunt es heisses Fondue endi November gad e so gläge. Mir Leitende händ eu mit viel Freud bedient und danket für eues zahlrieche Erschiene!

Im Dezember häts scho früeh gwaltig agfange wiehnächtele. Zerst z’Riede am Wiehnachtsmärt, wo mir mit de Schlangebrot überem Füür au chli Wärmi gspendet händ und denn a de Waldwiehnachte im Burgerwald nochdem mir bim Adventshuus z Ernetschwil üses Töörli händ chöne uftue.

Wie schnell das Jahr verbi isch. Unglaublich! Es Johr ganz noch de füüf Jubla-Grundsätz. Wo mir viel zemegsi und kreativ gsi sind, Glaube glebt und mitbestumme händ und viel Ziit ide Natur verbrocht händ. Mir freuet üs uf es 2023 wo hoffentlich genau soo wiitergoht, wies 2022 ufghört hät! S’Leitigsteam vode Jubla Gommi wünscht allne en guete Rutsch und en jublastische Start is neue Johr! Bliibet gsund und hebet eu Sorg.

Anmeldung für die Jubla Gommiswald

Konnten wir dich von der Jubla überzeugen? Melde dich noch heute mit dem Formular an und komme an die nächsten Anlässe und Gruppenstunden. Wir freuen uns auf dich!

Was ist die Jubla?

Tschiaiai

Die Jubla (Jungwacht Blauring) ist ein Freizeitverein für Kinder ab der 1. Bis zur 9. Klasse. In Gruppenstunden, an Scharanlässen und anderen Anlässen verbringen wir viel Zeit in der Natur. Jeden Sommer verbringen wir alle gemeinsam ein tolles Sommerlager bei dem Spiel, Spass und auch die Natur im Vordergrund stehen. Geleitet werden die Kinder und Jugendlichen von einem aufgestellten und jungen Leitungsteam. 

Gruppidaten

Schar

Zur Jubla Gommiswald gehören 9 Gruppen. Es bilden jeweils 2 Jahrgänge eine Gruppe, welche Geschlechter getrennt sind. Nur die älteste Gruppe, die 15er:innen, ist gemischt. Die verschiedenen Gruppen haben jeden Monat eine zweistündige Gruppenstunde. In diesen Gruppenstunden erleben die Jublaner:innen mit ihren 2-4 Leiter:innen eine tolle Zeit.

Leitungsteam

Leitungsteam Sola 21

Viele Kinder in einer Schar bedeutet auch, dass es viele, motivierte Leiter:innen braucht. Das Leitungsteam besteht momentan aus 27 jungen Leuten aus Gommiswald und Umgebung. Wer alles zum Leitungsteam dazu gehört, erfährst du unter "Über uns".

 

Nächster Termin

  • Papiersammlung

    Sa, 04.03.2023

    Die Leitenden sammeln mit den ältesten Gruppen das Altpapier in der Gemeinde. Diese Aktion bringt uns einen finanziellen Zustupf in die Scharkasse ein und macht ausserdem viel Spass! (Endzeit nur ungefähr)

  • Gommi-Gländgame

    Sa, 25.03.2023

    Meh kennts: Action, Spass & Spielstrategie. Das beste Team wird gewinnen!

Kontakt